अन्नपूर्णा स्तोत्र जिससे होती है मनोकामनापूर्ण

ॐ नमः कल्याणदे देवि नमः शंकरवल्लभे ।

नमो मुक्तिप्रदे देवि अन्नपूर्ण नमोऽस्तु ते ॥

ॐ नमो मायाग्रहीतांगि नमः शंकरवल्लभे ।

माहेश्वरि नमस्तुभ्यमन्नपूर्णे नमोऽस्तु ते ॥

अन्नपूर्णे हव्यवाहपत्नीरूपे हरप्रिये ।

कलाकाष्ठास्वरूपे च अन्नपूर्णे नमोऽस्तु ते ॥

उद्यद्भानु सहस्राभे नयनत्रयभूषिते ।

चन्द्रचूडे महादेवि अन्नपूर्णे नमोऽस्तु ते ॥

विचित्रवसने देवि त्वन्नदानरतेऽनघे ।

शिवनृत्यकृतामोदे अन्नपूर्ण नमोऽस्तु ते ॥

षट्कोणपद्ममध्यस्थे षडंगयुवतीमये ।

बाह्यादिमातृरूपे च अन्नपूर्णे नमोऽस्तु ते ॥

देवि चन्द्रकलापीठे सर्वसाम्राज्यदायिनि।

सर्वानंदकरे देवि अन्नपूर्ण नमोऽस्तु ते ॥

साधकाभीष्टदे देवि भवदुःखविनाशिनि ।

कुचभारनते देवि अन्नपूर्णे नमोऽस्तु ते ।।

इन्द्राद्यर्चितपादाब्जे रुद्रादिरूपधारिणि ।

सर्वसंपत्प्रदे देवि अन्नपूर्णे नमोऽस्तु ते ॥

पूजाकाले पठेद्यस्तु स्तोत्रमेतत्समाहितः ।

तस्य गेहे स्थिरा लक्ष्मीर्जायते नात्र संशयः ॥

प्रात:काल पठेद्यस्तु मंत्रजापपुरःसरम्।

तद्गृहेऽन्नसमृद्धिः स्याद्वर्द्धमाना दिने दिने ॥

यस्मै कस्मै न दातव्यं न प्रकाश्यं कदाचन ।

प्रकाशात्सिद्धिहानिस्तद्गोपयेद्यत्नतः सुधीः ॥